السوال:
اسلام و علیکم و رحمتہ اللہ
گزارش ہے کہ میرے ایک دوست نے اپنی بیوی کو دو بار کہا کہ تمیں طلاق ہے تمہیں طلاق ہے جسکہ وجہ سے اسکا نکاح دوبارہ پڑھوایا گیا کچھ عرصہ بعد اس نے تین دفعہ کہا کہ تم میری طرف سے فارغ ہو فارغ ہو فارغ ہو اب اس کے لئے کیا حکم ہے
وعلیکم السلام ورحمة الله و برکته
الجواب حامدا و مصلیا
تو فارغ ہے کا لفظ اگر طلاق کی نیت سے کہا ہو یا اس دوران جھگڑے کے وقت مذاکرہ طلاق ہوا ہو تو عورت کو طلاق بائن واقع ہوجائے گی اور سابقہ دوطلاقوں کیساتھ تیسری بھی واقع ہوجائے گی اور بیوی شوہر پر حرام ہوجائے گی اب دوبارہ حلالہ شرعیہ کیے بغیر رجوع کرنا جائز نہیں.
السوال:
حلاله شرعیه سے کیا مراد هے?
الجواب:
حلالہ شرعیہ سے یہ مراد ہے کہ پہلے شوہر نے 3 طلاق دے دی تو عورت عدت گزار کر دوسری جگہ شادی کرے اور وہ مرد اپنی مرضی سے زندگی میں جب چاہے طلاق دے دے یا مر جاۓ اور اس مرد نے عورت سے ہمبستری بھی کی ہو تو عورت عدت گزار کے پہلے شوہر سے دوبارہ شادی کر سکتی ہے۔
واللہ اعلم۔۔۔
مفتی آن لائن
